Friday 14 June 2013

गजल

उमेरसँगै म मा सरेका हुन दुख त ।


हजुरबा, बुबाले गरेका हुन दुख त ।


भाग्य त्यो एकातिर अर्को मेरो पौरख ।

साँढेको जुधाइमा परेका हुन दुख त ।


ढलाउन मलाई तिम्रो भगवानले ।

पाइला पाइलामा छरेका हुन दुख त ।


बेइमान त तिमी होलाऊ ऊ नि होला ।

समुन्द्र सँगसँगै तरेका हुन दुख त ।



दिनेशलाई दिनेश बनाउँछु भन्दै ।

मलाई खोज्दै धर्ती झरेका हुन दुख त ।

Tuesday 11 June 2013

केही टुक्राहरु

१)


सबैले लेख्छन

धेरैले पठाउँछन

केहीले जवाफ पाउँछन

एकदम थोरैले

सफलता भेट्छन

यो जिन्दगी र

पहिलो प्रेम पत्र

उस्तै उस्तै ।



२)

यी पहाड ,

अग्लो मान्दिन म ।

यो तराइ सम्म मान्दिन ।

कुहिरो धुमिल मान्दिन ,

आँखाको के भर छ र ?

कुनै पनि बेला ठग्न सक्छन ।



३)

जमाना फेरियो ,

बिहानै एकहुल कौवाहरु ,

कराउँदै थिए रेडियोतिर ,

म कोदाली बोकेर ,

कुलो लगाउन हिंडे ।

असार १५ लाई अब १ महिना छ ।

४)

मसँग जीवन थियो ,

जीवन दिएँ ,

अरुसँग चलाखी थियो ,

लगानी थियो । त्यहि दिए ।

र त्यही लिदैछन ।

यस्तो पो रहेछ क्रान्ति ।



५)

रुझ्दै तिमी

हिलाम्य आँगनबाट ,

पिढींमा उक्लन्छौ ।

तिम्रा पैतालाले ,

मेरा पिढीं भर फूल छर्छन ।

६)

खुल्ला झ्याल ,

भद्रगोल कोठा ,

चिन्ह राखेर छोडिएका किताबहरु ,

केही खालि पानाहरु,

बिर्को खुलै पेनहरु बताइरहेछन ,

म हराएको , धेरै भएछ ।