Showing posts with label गजल. Show all posts
Showing posts with label गजल. Show all posts

Wednesday, 6 February 2013

गजल


सधैं भइरह्यो दोमन ,हुन्छ कि हुन्न ?
क्रान्ती पछि परिबर्तन हुन्छ कि हुन्न ?

बिर्से शहिदलाई सहिद बनाउनेले ।
साँच्चै मृत्युपछि जीवन हुन्छ कि हुन्न ?

वर्षौं त्यही छु जहाँ वर्षौं देखि थिएँ ।
महासय यो प्रतिगमन हुन्छ कि हुन्न ?

गरिबको जे-जे थियो सब खायौ सक्यौ ।
सर्कार तिम्लाई अमन हुन्छ कि हुन्न ?

Monday, 2 April 2012

गजल

घरबाट ननिस्कनू खबरदारी आएको छ !!

सडकमा बन्दकर्ताको सवारी आएको छ !!


हाम्रो भेट हुन्छ भन्ने जानकारी आएको छ ।

बाँकी न म पारी जान्छु न ऊ वारी आएको छ ।।


मागी हिजो बटुलेंथे ,दैव रहोस बाँकी थोरै ।

मेरो पनि झोपडिमा त्यो भिखारी आएको छ ।


लुट्नेहरु मोटाउने लुटिने चाहिं दुब्लाउने ।

गाउँमा यो कस्तो अनौठो बिमारी आएको छ ।


यो बिभेद हुनु हुन्न त्यसैले बिद्रोह सही ।

भट्टीमा लड्खडाउँदै तागाधारी आएको छ ।


अब देश फेरिनेछ दिनेश पक्कै फेरिनेछ ।

महँगो गाडी चढेर क्रान्तिकारी आएको छ ।

गजल

देखिएकै होलान यी फेर बदल मेरा ।
उन्को एक बोली र सय गजल मेरा ।

फर्किएर पूराना तस्वीर पल्टाउँछु ,
ओहो निकै रैछन साथी असल मेरा ।

बालुवा बोक्ने ज्यामी बालुवामै पुरिएथ्यो ।
साह्रो दुखले ठडिएका हुन् महल मेरा ।

महँगाई आकाश छुन्छ त के गरूँ मैले ।
म बदलिन्न उही चहल पहल मेरा ।

गजल

उही नाटक बारम्बार भएको छ ।

दर्शक माथि अत्याचार भएको छ ।


छैन भेटेको नविनता गजलमा ।

सेर पुरानै यी साभार भएको छ ।


मुटु धड्किन बन्द भयो आजबाट ।

हालत केही त सुधार भएको छ ।


सत्रौं शताब्दी फर्किएर जानुहोला ।

नयाँ नेपाल आबिष्कार भएको छ ।

Sunday, 9 October 2011

गजल

तिम्रो माग पूरा यो भएहुन्थ्यो ।

फेरि तिमी को म को भएहुन्थ्यो ।


संसारमा दैव छ तिम्ले भन्यौ,

हाँस्दै मैले भने हो भएहुन्थ्यो ।


काट्न दशा जन्तर किन्दै सोच्छु ।

कतै केही त चोखो भएहुन्थ्यो ।


छोड यार सक्दैनौ मनाउन ।

उनै हुनुपर्छ जो भएहुन्थ्यो ।


बारी-बारी हाँस्दैछन लालुपाते ।

यति थाहा भएको भएहुन्थ्यो ।

Friday, 2 September 2011

गजल

माया ब्यापार हुनुपर्छ, छानी –छानी भएको छ ।

यो लेख्दा दिनेश लाजले पानी-पानी भएको छ ।


जहाँ तरबार तेर्सिएथ्यो ,त्यहीं राखें खुट्टा आफ्नो ।

माफी कस्लाई यहाँ गल्ती जानी –जानी भएको छ ।


तिम्रा गजल चुप रहे , अनि उस्को गला पनि ।

हाहा भाषण यहाँ लेघ्रो तानी –तानी भएको छ ।


आज लाडिन्छु केही छिन , आमा तिमी भन फेरि ।

कैले है ठूली-ठूली कैले सानी-सानी भएको छ ।


आँखा चिम्लेर हेर्छु जब ,चाहेझैं छ यो संसार

ढुङगा पनि त देवता ठानी –ठानी भएको छ ।


तमाशा हेर्न पर्खिबसें , बगरमा दिल छोडेर ।

किन तुफान अब चाहिं, ज्ञानी –ज्ञानी भएको छ ।

Tuesday, 16 August 2011

गजल

जिन्दगी अझै मेरो जुवा खालमा छ ।

लौ एउटा मुहार ऊ हेर झ्यालमा छ ।


आधारले यही एउटा रैछौं जोडिएको !

म आफ्नै तालमा छु ऊ आफ्नै तालमा छ ।


कसैले सोध्नै छोडे हालखबर अनि ।

चिन्दछ सबैलाई जो बेहालमा छ ।


तागत कहाँ जोख्ने छ र दिनेशमा ?

आकाशमा को छ र को पातालमा छ

Friday, 6 May 2011

गजल

मीठो मुस्कान सँगै ढाडमा हुलाकीको धाप आयो ।
चिठ्ठी हातमा आयो मुखमा बाफ रे बाफ आयो ।

एक जमाना भयो दुश्मनी भएको भाग्य सँग ।
बुझ्छु म पनि तिम्रो नाममा कस्को जवाफ आयो ।

धर्म समाज पाप समय बाध्यता रीतिथिति ।
प्रश्न एउटा थियो उत्तर यसरी लाख आयो ।।

याद आउँछ जब लाहुरे छोरा आकाश हेर्दै ।
मेरी आमा भन्छिन आयो हवाइजहाज आयो ।

Saturday, 30 April 2011

गजल

बाद कतै नयाँ कतै पुराना चाहियो ।।
उँधो बग्नलाई के को बहाना चाहियो 

लेखिएको थियो दया माया धर्म दान ॥
मेरो पुराणमा च्यातेको पाना चाहियो ॥॥

भातमा केही मान्छेहरु बिकेकाछन् रे ।
आदर्श छोड्देऊ स्वादिष्ट खाना चाहियो ।

आज मान्छेहरु तर्सेका छन् आफैसँग ।
त्यसैले भन्दाहुन नयाँ जमाना चाहियो ।

काखमा आमाको हुँदा सम्झन्छ दिनेश ।
घर बलियो हुन बलियो छाना चाहियो ।

Sunday, 3 April 2011

गजल

घडी धेरै घुम्यो , बिबाद त्यै बुँदाको होला ।

उस्ले ताम्रपत्र , मैले छाती छुँदाको होला ।


साथीले चिठ्ठीमा , लेख्यो मुस्कान मीठो तेरो ।

यार त्यो तस्वीर ,म गाउँमा हुँदाको होला ।

,

ओहो यो सुस्केरा ,बिलायो खै कता यो निंद ।

पक्कै यो छट्पटी, उता आमा रुँदाको होला ।


मेटिन्न दिनेश ,बस्नुछ यस्लाई तैं सँग ।

दाग सिरानीको , तैंले त्यो मन धुँदाको होला ।

Thursday, 3 March 2011

गजल

गाँउ छोड्ने त्यो जोशको राप बाँकी छ ।
केही आश केही पश्चाताप बाँकी छ ।

सपनामा बच्चाबच्ची आउँछन् सामु ।
लुगा छान्छु तौल सँगै नाप बाँकी छ ।


सिर्फ यत्ति , सुनाएमा पण्डित हुन्छ ।
धर्म सँग भोग्न धेरै पाप बाँकी छ ।

ए दिनेश के भोग्या होस् र फुर्ती तेरो ।
दिन रुपी पत्रमा लाहाछाप बाँकी छ ।

Friday, 18 February 2011

गजल

कुन्नी के को डरले आवाज छोप्दै थिएँ ।
उध्रिएका चोलीमा लाज छोप्दै थिएँ ।

जरुरतनै थिएन कोट्याउनु कहिल्यै ।
सँगै बेद ,गायत्री ,नमाज छोप्दै थिएँ ।

केही छन किताब सम्पत्ती मेरा भन्नु ।
पर्दा च्याती झ्यालको दराज छोप्दै थिएँ ।

काँडा बिझ्यो खुट्टामा , त्यसो त त्यो बेला म ।
आकाशमा हातले जहाज छोप्दै थिएँ ।

यस्को अर्थ के थियो ,तिम्लाई लाग्यो होला ।
माटोमाथि माटोले अनाज छोप्दै थिएँ ।

Saturday, 5 February 2011

गजल

ऊ खुशी छ हामीलाई ,छल्न सकेकोमा ।
हाँस्दैछु म खोटो सिक्का ,चल्न सकेकोमा ।

निराशाको के भो कुरो ,भैगो मानी दिऊँ।
दङ्ग छ मुखले चिप्लो , दल्न सकेकोमा ।

चोट लाग्यो गयौ छोडी , खुशी भएँ खुशी ।
पत्थर ठानेको दिल यो , जल्न सकेकोमा ।

Thursday, 13 January 2011

गजल

अझै यो आभाष अध्यारोमा छ ।
जे छ खुशी तिम्रो अंगालोमा छ ।

पाइला पिच्छे हुन्छु अग्लिएको ।
हिड्नुको मजा त उकालोमा छ ।

उज्यालोमै छ तेरो बाँकी सास ।
जस्तो धागो बल्दो दियालोमा छ ।

के भर दिनेश ! तँ , तेरो देश ।
बर्षौं सुनें सुध्रिने पालोमा छ ।

Friday, 24 December 2010

गजल

हुन्छ आँसु सदर कि उपहास हुन्छ ।
जब केहि हुन्न तब मात्र आस हुन्छ ।

नछोऊ ताम्रपत्र नखाऊ कसम कुनै ।
जे जे हुन्छ आज कुरा खसोखास हुन्छ ।

केहि अघि हिंडी फेरि फर्की हेर्ने कारण ।
तिमी सँगै छौ सधैं यहि आभाष हुन्छ ।

होलान् नि रामायण यसरी बुझ्ने पनि ।
जो हुन्छ इमान्दार उस्कै बनबास हुन्छ ।

के के भेट्यो दुनिंयाले ,हेर्दा हेर्दै दिनेश ।
तेरो माग सधैं गाँस बास कपास हुन्छ ।

Friday, 26 November 2010

गजल

भूल एउटा जानाजानी भएको छ ।
यथार्थ हुनुथ्यो कहानी भएको छ ।

भाँच्नुथ्यो पर्खाल बार्नुथ्यो किल्ला ।
यहाँ त बाराबार पानी भएको छ ।

भार छ खुबै त्यो नागरिकताको ।
यहाँ परिचय राहदानी भएको छ ।

उस्ले झैं तिम्ले उस्लाई लायौ दोष ।
मेरो पनि उस्तै उस्तै बानी भएको छ ।

Tuesday, 14 September 2010

गजल

बेचेर इमान पकाको छ ।
मेरो पनि भाग लगाको छ ।

अनेक अर्थको हुन्छ बाजा ।
कतै बज्या कतै बजाको छ ।

सल्लाह भाइमा हुन्छ अब ।
छुरी ,डोरी ,गोली मगाको छ ।

खरानी उडाउने हो आऊ ।
मन यता पनि जलाको छ ।

दिनेश गुज्रियो कि यत्तिमै ?
कहिले गाको कहिले आको छ ।

Friday, 3 September 2010

गजल

भनिन मैले केहि खास देऊ !!
मेरो छाती जत्रै आकाश देऊ !!

घर हैन मलाई सक्छौ भने !
मुट्ठी जत्रो ठाउमा बास देऊ !!

आँखा त भन्छन सबै सँग छ !
अब कालो छोप्ने प्रकाश देऊ !!

जलेर खरानी भयो यो घर !!
अब देउ हुरी बतास देऊ !!

झर्ला हात बाँधी आकाशबाट !!
माग्छु गाँस बास कपास देऊ !!

Saturday, 17 July 2010

गजल

रहर यति कि, कोही आऊ मन सम्म ।

सधैं छापहरु , देखिए आँगन सम्म ।


मायामा सपना ,बाँधिने सिमाना छैन ।

तिम्रो गनगन र मेरो खटन सम्म ।


तर्किएर गयौ , लुकेर बोल्दछ फुर्ति ।

दैब यहि भेट ,जाओस् त बन्धन सम्म ।


केटाकेटी नै छ दिनेश लाग्यो अहिले ।

मायामा सोच्दैछ , त्यागूँ कि जिवन सम्म ।

Friday, 9 July 2010

गजल

भलै रातमा निंद पर्या छैन ।

पख हिम्मत अझै मर्या छैन ।


आज बित्ला होला नि त भोलि ।

छाम्छु प्रकृति उल्टो चल्या छैन ।


हुँदै समाज , हरेक मान्छेमा ।

रोग सरुवा कहाँ सर्या छैन ।


हात पाखुरा, हुँदा हुँदै सद्दे ।

सुनी अड्कियो, भाग्य बल्या छैन ।


गरी सोचेको , कहाँ पुग्छ त नि ।

सोच दिनेश के के गर्या छैन ।