सुने भावीले भेटिन्छ भन्थे कसैले ।
केहि घाउले चेतिन्छ भन्थे कसैले ।
चुप रहेर हेर्दैछु आमा रोएको ।
घाँटी बोल्नेको रेटिन्छ भन्थे कसैले ।
जति सागर घुमेनि हुन्न निसान ।
हिड्या पाइला मेटिन्छ भन्थे कसैले ।
गर अन्याय मैमाथि न्याय नगर ।
सोझो बीचमा चेपिन्छ भन्थे कसैले ।
मागी आधार उसँग,परें भरोसा ।
ढुङ्गे देउता बेचिन्छ भन्थे कसैले ।
भावनामा वगायो है यसले पनि!!
ReplyDelete'ढुङ्गे देउता बेचिन्छ भन्थे कसैले'
वाह! वाह!
सबै शेरहरु उच्चकोटीका लागे त्यसमा पनि दोस्रो सेर एउटैले पनि यो गजललाई गज्जब वजन दिएको छ :
ReplyDeleteचुप रहेर हेर्दैछु आमा रोएको ।
घाँटी बोल्नेको रेटिन्छ भन्थे कसैले ।
वाह! वाह! क्या शब्द संयोजन .... मानें !...
दिनेश जी नमस्कार !! भावयुक्त र रसिला गजलहरुको स्वाद लिन म पनि आइपुगे गजलकारको आगनमा | गजल भारी वजनदार पाए |
ReplyDeleteचुप रहेर हेर्दैछु आमा रोएको ।
ReplyDeleteघाँटी बोल्नेको रेटिन्छ भन्थे कसैले ।
अत्यन्त ओजिलो र वजनदार गज़ल ...
मेरो शव्दमा म त झकास भन्छु ।
साह्रै मिठा शब्दहरुको संगालो क्या तपाईको मन। जे सोच्यो साह्रै मिलाएर मननै पग्लने गरि लेख्ने।
ReplyDeleteचुप रहेर हेर्दैछु आमा रोएको ।
घाँटी बोल्नेको रेटिन्छ भन्थे कसैले ।
वाह!! दिनेशजी साहै चित्त बुझ्यो है।